Gífurleg sprenging varð í vöruhúsahverfi miðsvæðis í Beirut, höfuðborg Líbanon, í dag. Yfir fimmtíu eru látnir og yfir 2.700 eru slasaðir.
Yfirvöld telja að fjöldi látinna sé töluvert meiri. Umfangsmiklar björgunaraðgerðir eru nú í gangi.
Spítalar á svæðinu eru yfirfullir og eiga sjúkrabílar rauða krossins fullt í fangi með að koma slösuðum undir læknishendur utan borgarinnar.
Innanríkisráðherra Líbanons segir að fyrstu skýrslur geri ráð fyrir að sprenginguna megi rekja til sprengiefna sem gerð voru upptæk fyrir nokkrum árum síðan og höfð í geymslu á því svæði sem sprengingin átti upptök sín.
Ríkisstjóri Beirut sagði í samtali við Sky News fréttaveituna að heilt teymi slökkviliðsmanna á svæðinu hafi horfið eftir sprenginguna. Samkvæmt frétt Al Jazeera hefur forsætisráðherra Beirut, Hassan Diab, komið fram með sömu útskýringu. „Ég get lofað ykkur að þessa hörmungar munu ekki ganga yfir án afleiðinga. Þeir sem bera ábyrgð munu fá að gjalda fyrir þetta,“ sagði hann í ræðu sem var sjónvarpað í landinu í kjölfar spreningarinnar. „Við munum gefa frekari upplýsingar um þetta hættulega vöruhús sem hefur verið þarna síðan 2014 og ég mun ekki fyrirbyggja rannsóknir á atvikinu“
„Ég sá eldtungur og reyk yfir Beirut. Fólk öskraði og hljóp með blæðandi sár. Svalir sprungu af byggingum. Gler í háhýsum sprakk og rigndi yfir göturnar,“ sagði vitni í samtali við Reuters fréttaveituna.
Hjálparhönd
Aðstæðum er lýst sem algjöru öngþveiti. Fjöldi nágrannaríkja hefur lýst yfir stuðningi við Líbanon og boðið fram aðstoð
Forseti Tyrklands, Tayyip Erdogan, hefur haft samband við yfirvöld í Líbanon og boðið fram aðstoð Tyrklands .
Frakkland er að vinna að því að senda aðstoð til Líbanon. Forseti Frakklands, Emmanuel Macron sagði á Twitter: „Frakkland stendur með Líbanon. Alltaf“
Katar hafa einnig boðið fram aðstoð og lofað að senda heilbrigðisaðstoð.
Ísrael hefur boðið mannúðaraðstoð sem og Bretland og Íran og Saudi Arabía hefur lýst yfir stuðning og samstöðu með íbúum Líbanon.
