Ísak Bergmann Jóhannesson spilar með Norrköping en Ísak er einungis 17 ára gamall og afar efnilegur. Hann var í byrjunarliði Norrköping í leiknum í dag og spilaði allar 90 mínúturnar. Markalaust var í fyrri hálfleik en Sead Hakšabanović kom Norrköping yfir snemma í þeim seinni. Stuttu síðar náði þó Mjällby að jafna metin en það var Moses Ogbu sem skoraði markið.
Lokaniðurstaðan var 1-1 og situr Norrköping í efsta sæti sænsku úrvalsdeildarinnar eftir leikinn. Liðið er með betri markatölu en Malmö sem situr í öðru sæti en þessi efstu tvö lið eru jöfn að stigum.
