Yfir 30 veitingastaðir í miðborg Reykjavíkur lokuðu í kjölfar Covid-19 faraldursins. Sex þeirra hafa lokað dyrum sínum alfarið, þar á meðal rótgrónir veitingastaðir sem hafa verið starfræktir áratugum saman. 14 staðir eru enn með læstar dyr og óvíst hvort eða hvenær þeir munu opna að nýju.

Þetta er brot úr umfjöllun sem finna má í nýjasta helgarblaði DV.

„Almennt séð hefur rekstrarumhverfið ekki lagast. Eitthvað hefur dottið inn af erlendum ferðamönnum en svo hafa Íslendingar auðvitað verið að ferðast meira innanlands en áður. Þetta fer oft eftir sam- setningunni á kúnnahópnum. Sumir staðir eru með sterkan íslenskan kúnnahóp, aðrir ekki,“ segir Jóhannes Þór Skúlason, framkvæmdastjóri Samtaka ferðaþjónustunnar, í samtali við DV

Hertar fjöldatakmarkanir hafa í för með sér að ekki mega fleiri en 100 manns koma saman og opnunartími veitingastaða helst óbreyttur. Ljóst er að ákvörðunin mun hafa veruleg áhrif á rekstur á veitinga og skemmtistaða.

Í helgarblaði DV sem kom út í dag má finna yfirlit yfir þá veitinga og skemmtistaði í miðborg Reykjavíkur sem hafa lokað tímabundið eða alfarið, opnað á ný eða skipt um eigendur. Einnig er rætt við veitingahúsaeigendur í miðborginni.