Gylfi Þór Sigurðsson er eins og flestir vita frábær í föstum leikatriðum en hann er leikmaður íslenska landsliðsins og Everton.
Gylfi lék áður fyrr með Swansea og stóð sig virkilega vel í Wales áður en hann keyptur fyrir metfé til Everton.
Liam Cullen, 21 árs leikmaður Swansea, lítur mikið upp til Gylfa en hann er á mála hjá Swansea í dag.
Cullen æfir reglulega aukaspyrnur á æfingasvæði Swansea líkt og Gylfi gerði þar með búningastjóra liðsins, Shaun Baggridge.
,,Í byrjun tímabils þá vildi ég einbeita mér að því að geta tekið góðar aukaspyrnur því það bætir við mörkum,“ sagði Cullen.
,,Ég æfði mig mikið á undirbúningstímabilinu með Shaun [Baggridge] og í byrjun tímabils. Við áttum mörg samtöl.“
,,Hann sagði mér frá því hvernig hann hjálpaði Gylfa þegar hann var hjá Swansea.“
,,Gylfi setti niður tíu bolta í kringum vítateiginn og það var allt jafn langt frá markinu. Hann setti niður varnarvegg eins og markvörður myndi gera og skaut svo á markið eftir hverja einustu æfingu.“
,,Augljóslega sjáum við hversu góður hann er í föstum leikatriðum svo ég byrjaði að gera það sama.“
