Odion Ighalo, leikmaður Manchester United, gæti labbað af velli ef hann verður fyrir fordómum á Englandi.

Ighalo greinir sjálfur frá þessu en hann er dökkur á hörund og hefur þurft að takast á við ýmislegt í gegnum tíðina.

Ighalo er samningsbundinn liði í Kína og varð fyrir fordómum þar. Hann er í láni í Manchester.

,,Ef ég lendi í þessu þá læt ég dómarann vita og sjá hjvað gerist. Ef ekkert gerist þá mun ég labba af velli því þetta á ekki að gerast,“ sagði Ighalo.

,,Í einum leik í Kína þá var ég kallaður ýmsum nöfnum og eftir leikinn. Ég tók ekki í hendina á þessum aðila og fór beint inn í klefa. Ég var reiður og tilkynnti það atvik.“

,,Það fór ekki lengra en það, ég lét þetta bara vera því þannig er ég. Ég vil ekki skapa fleiri vandamál.“