Ronaldo, hinn magnaði framherji frá Brasilíu hefði mögulega náð enn lengra ef hann hefði hugsað betur um sig. Samherjar af ferli Ronaldo eru allir sammála um að hann hafi elskað að skemmta sér.

Ronaldo fór mikið á næturlifið þegar hann var í herbúðum Real Madrid, svo mikið að félagið reyndi að stoppa hann. Ronaldo dó ekki ráðalaus og lét útbúa næturklúbb á heimili sínu.

Ivan Helguera fyrrum samherji Ronaldo segir að Ronaldo hafi verið duglegur að bjóða í gleðskap á heimli sínu.

,,Beckham, Zidane og Figo voru miklir atvinnumenn. Ronaldo og Roberto Carlos vildu mikið fara út á lífið. Það var samt ekki á hverju kvöldi,“ sagði Helguera.

,,Ég man eftir afmæli á heimili Ronaldo, húsið sem Sergio Ramos á í dag. Það komu rútur sem voru fullar af stelpum. Ég og eiginkona mín fórum og Figo sömuleiðis.“

Ronaldo fékk slæma umfjöllun eftir að eiturlyfjabarónar fóru að sjást á myndum á heimili hans í gleðskap.

,,Ég stóð oftast fyrir djamminu, ég skipulagði þetta yfirleitt. Unnusta mín í dag er glöð að ég hef nánast hætt þessu en ég sakna þessara tíma,“ sagði Ronaldo.