Lögreglan í Birmingham vill ná tali af stórstjörnu Aston Vlla, Jack Grealish efitr umferðaróhapp í borginni í gær. Grealish var í gleðskap alla nóttina, þrátt yrir að útgöngubann sé í landinu.
Grealish hafði deginum áður beðið fólk um að halda sig heima á meðan kórónuveiran gengur yfir þar í landi. Útgöngubann er á Bretlandseyjum.
Grealish var í gleðskap hjá Ross McCormack fyrrum liðsfélaga sínum hjá Villa, alla nóttina. Hann keyrði á tvo kyrrstæða bíla eftir því sem fram kemur í enskum blöðum.
Áreksturinn átti sér stað snemma í gærmorgun en nágrannar McCormack segja að læti hafi verið úr íbúðinni allan morguninn.
Lögreglan í Birmingham var kölluð á staðinn en Grealish tók dótið sitt úr bílnum og fór af vettvangi. Lögreglan mun yfirheyra hann á næstu dögum.
Ljóst er að Grealish á yfir höfði sér sekt frá Aston Villa og yfirvöldum.
