Spænska veikin var inflúensufaraldur, mannskæðasta farsótt sem heimildir herma. Hún gekk yfir á árunum 1918 til 1919 og dró allt að hundrað milljónir manns til dauða, þar af tæplega fimm hundruð á Íslandi. Um var að ræða veirustofninn H1N1 innan inflúensu af A-stofni.
Eyðni eða alnæmi greindist fyrst árið 1981 í Bandaríkjunum, þótt sjúkdómurinn eigi rætur að rekja lengra aftur. Í framhaldinu geisaði alnæmisfaraldur og hafa um þrjátíu milljónir manna dáið vegna smits af HIV-veirunni til dagsins í dag.
Svartidauði gekk yfir Evrópu á árunum 1331 til 1353. Svartidauði var oft kallaður pest eða plága og þurrkaði út á bilinu tuttugu til sextíu prósent íbúa í Evrópu, 20 til 200 milljónir manns.
Jústinía-plágan geisaði í austrómverska keisaradæminu á árunum 541 og 542 og olli sama bakterían plágunni og olli svartadauða mörgum öldum síðar. Sumir sagnfræðingar telja þessa plágu þá mannskæðustu og að 25 til 50 milljónir manns hafi látið lífið, 13 til 26 prósent íbúa heimsins. Aðrir segja þessar tölur ýktar.
Dularfulli sjúkdómurinn „cocoliztli“ dró allt að 17 milljónir íbúa þess landsvæðis sem í dag heitir Mexíkó til dauða á árunum 1545 til 1548 og 1576. Um var að ræða sjúkdóm sem einkenndist af háum hita og blæðingum. Allt að 80 prósent íbúa landsvæðisins þurrkuðust út í faraldrinum.
