Mjög krúttlegt atvik átti sér stað á Goodison Park í dag er Everton og Crystal Palace áttust við.
Everton fékk Palace í heimsókn í ensku úrvalsdeildinni og vann 3-1 heimasigur.
Eftir lokaflautið ákvað ungur strákur að hlaupa inn á völlinn og leitaði að framherjanum Dominic Calvert-Lewin.
Þessi strákur bað um treyju leikmannsins og fékk hann ósk sína uppfyllta áður en öryggisverðir þurftu að fjarlægja hann burt.
Það hafði engin áhrif á krakkann unga sem fór skælbrosandi af velli eins og má sjá hér.