Joe Hart, markvörður Burnley fær að heyra það frá stuðningsmönnum félagsins eftir að hafa mætt á BBC og sagt að hann vilji fara.

Hart er varamarkvörður Burnley og fær enginn tækifæri á meðan Nick Pope er heill heilsu, Hart vill fara en samningur hans er á enda í sumar.

Hart var sérfræðingur BBC á leik Liverpool og Shrewsbury á sunnudag og fór að ræða að hann vildi fara.

,,Það er hræðilegt að vera bara á bekknum, þegar þú ert að gera það sem þú vilt ekki vera að gera. Þá er það pirrandi,“ sagði Hart en Jóhann Berg Guðmundsson leikur með Burnley.

Þegar hann var spurður hvort hann vildi fara frá Burnley. ,,Án nokkurs vafa,“ sagði Hart.

Gary Lineker sem stýrði umræðunni var fljótur til. ,,Hann er laus, þið heyrðuð það fyrst hérna,“ sagði Lineker en Hart er orðaður við lið Í MLS deildinni.

Stuðningsmenn Burnley hafa lesið yfir Hart á samfélagsmiðlum. ,,Farðu Joe Hart, daðra við önnur félög á BBC,“ skrifar einn stuðningsmaður Burnley.