The Athletic segir frá því að líkur séu á að Manchester United muni ekki kaupa neinn leikmann áður en félagaskiptaglugginn lokar á föstudag.
David Ornstein segir að United hafi spurst fyrir um Edinson Cavani hjá PSG en félagið mun ekki halda áfram með það mál. Cavani vill tveggja og hálfs árs samning og rosaleg laun, hann er 32 ára og hefur verið talsvert mikið meiddur.
United er að ræða við Sporting Lisbon um Bruno Fernandes en það er langt á milli félaganna. United vill ekki borga of mikið en Sporting vantar aurinn, eitthvað gæti gerst þar.
United vill styrkja liðið en The Athletic segir að félagið sé hrætt við að borga of mikið, það geti haft áhrif á viðskipti félagsins í sumar.
