Pólskur karlmaður, Mateusz Tynski, sem svipast var um eftir hér á landi á síðasta ári fannst látinn í Póllandi fyrr í þessum mánuði. Mateusz var búsettur í Sandgerði en hann hvarf í febrúar í fyrra. Bróðir hans, Karol Tynski, staðfestir þetta í samtali við Fréttablaðið í dag.

Mateusz sást síðast á flugvellinum í Keflavík og var hann talinn hafa farið úr landi. Af þeim sökum var hans ekki leitað hér á landi en lögreglan í Póllandi leitaði hans í sumar.

Í Fréttablaðinu kemur fram að hann hafi ekki látið fjölskyldu sína í Póllandi vita af heimförinni. Bróðir hans segir að það hafi verið óvenjulegt og ekki væri vitað til þess að hann ætti við einhver vandamál að stríða á Íslandi. Mateusz bjó hér á landi í fjögur ár og var ókvæntur og barnlaus.