Einn lykilmannana í Samherjamálinu var fluttur á sjúkrahús í morgun. Maðurinn sem um ræðir er Bernhardt Esau, fyrrverandi sjávarútvegsráðherra Namibíu og einn af hákörlunum svokölluðu.

Namibíski fjölmiðillinn Namibian Sun greindi frá þessu á Twittter-síðu sinni fyrr í dag en RÚV vakti athygli á málinu hér á landi. Ekki er vitað hvað varð til þess að Esau var fluttur á spítala en lögreglan í Namibíu staðfesti við fjölmiðla þar í landi að hann hafi verið fluttur þangað. Eins og áður segir er Esau einn af lykilmönnunum í Samherjamálinu en hann er sakaður um spillingu, fjársvik og peningaþvætti.