Tilkynning Breiðabliks:

Sveindís Jane í Breiðablik!

Sveindís Jane Jónsdóttir, einn allra efnilegasti leikmaður landsins, hefur skrifað undir hjá Breiðabliki og mun leika með liðinu á næsta tímabili á láni frá Keflavík.

Sveindís er aðeins átján ára gömul en átti frábært tímabil í Pepsi Max deildinni með Keflavík í sumar. Hún skoraði sjö mörk, lagði upp fjölmörg til viðbótar og var efst allra leikmanna í M-gjöf Morgunblaðsins, þrátt fyrir að liðið hafi fallið niður um deild, svo eitthvað sé nefnt.

Sveindís er mikill markaskorari og 15 ára gömul skoraði hún til að mynda 27 mörk í 19 leikjum með Keflavík í 1. deild. Hún á að baki 38 leiki með yngri landsliðum Íslands þar sem hún hefur skorað 21 mark.

Blikar eru hæstánægðir að fá Sveindísi í Kópavoginn, enda hér á ferðinni frábær leikmaður sem mörg félög vildu fá til sín. Við hlökkum til að sjá hana í græna búningnum í sumar