,,Wales, golf og Madrid,“ stóð á borðanum sem Gareth Bale, kantmaður Real Madrid og Wales hélt á í gær. Óhætt er að segja að viðbrögðin á Spáni, láti ekki á sér standa.
Bale hélt á borðanum eftir að Wales tryggði sig inn á Evrópumótið í gær, kantmaðurinn er illa liðinn í Madríd.
Zinedine Zidane hefur viljað losna við Bale frá liðinu en ekki tekist það, hann segir leikmanninn elska Wales og golf meira en að spila fyrir Real Madrid.
Stuðningsmenn Wales sáu leik á borði og gerðu borðann fyrir leikinn gegn Ungverjalandi í gær, kantmaðurinn hafði gaman af. Hann fékk borðann að láni eftir leik og var í miklu stuði.
,,Þetta er komið gott Bale, eins og sést á borðanum þá gerir þú grín að Madrid,“ segir Madrid Sports, fréttavefur um félagið.
Fleiri fjölmiðlar fjalla um málið og ljóst er að Bale fær ekki góðar móttökur þegar hann snýr aftur heim.
