Kylian Mbappe skoraði þrennu fyrir lið Paris Saint-Germain í Meistaradeildinni í gærkvöldi.
Mbappe hefur verið einn öflugasti framherji heims undanfarin tvö ár þrátt fyrir að vera aðeins tvítugur.
Hann er nú orðinn yngsti leikmaður í sögunni til að skora 15 mörk í Meistaradeildinni eftir þrennuna í gær.
PSG vann öruggan 5-0 útisigur á Club Brugge en Mbappe kom inná sem varamaður í seinni hálfleik.
Messi var sá yngsti til að skora 15 mörk en hann var 21 árs og 163 daga gamall er hann náði því. Mbappe er 20 ára og 306 daga gamall.