Matthijs de Ligt er genginn í raðir Juventus en hann kemur til félagsins frá Ajax í Hollandi.
De Ligt ákvað að ganga í raðir ítalska félagsins fyrir löngu og var það ekki vegna Cristiano Ronaldo.
Ronaldo og De Ligt áttust við í úrslitaleik Þjóðadeildarinnar í júní og þar ræddi Ronaldo við varnarmanninn unga.
De Ligt staðfestir að Ronaldo hafi beðið sig um að koma til Juventus en neitar að það hafi haft áhrif á ákvörðunina.
,,Áður en við mættumst í úrslitaleik Þjóðadeildarinnar þá vissi ég að ég vildi semja við Juventus,“ sagði De Ligt.
,,Það var þó mikið hrós þegar Cristiano bað mig um að koma þangað en það gerði ekki gæfumuninn.“