Listakonurnar Björk Guðmundsdóttir, Júlíana Kristín Liborius Jónsdóttir og Silja Rós Ragnarsdóttir hafa hrundið af stað söfnun á Karolina Fund fyrir stuttmyndinni Leðja. Myndin fjallar um þrjár systur sem fara í örlagaríkan leiðangur af ótta við að lenda á götunni.
Um er að ræða gamanmynd með sótsvörtum húmor um sterkar konur og vinasamband þeirra. Björk, Júlíana og Silja Rós eru handritshöfundar en verkið varð til því þeim þótti vanta stutt- og kvikmyndir með sterkum kvenpersónum, eins og löngum hefur verið gagnrýnt. Því ákváðu þær að snúa vörn í sókn og gera þetta sjálfar.
