Ousmane Dembele, leikmanni Barcelona, er alveg sama þó Neymar gangi í raðir félagsins í sumar.
Frá þessu greinir umboðsmaður leikmannsins en Neymar er sterklega orðaður við sitt fyrrum félag.
Dembele óttast þó ekki að missa sæti sitt í liðinu ef Neymar kemur að sögn Moussa Sissoko sem er umboðsmaður hans.
,,Hann hefur ekki áhyggjur af neinni ógn. Þegar þú spilar fyrir Barcelona þá býstu við samkeppni,“ sagði Sissoko.
,,Neymar eða einhver annar, honum er alveg sama. Hann hugsar bara um sjálfan sig.“