Þetta gerist viku eftir að vitni sem ásakaði Spacey um kynferðislegt ofbeldi ákvað að bera fyrir sig fimmtu breytingu stjórnarskráar Bandaríkjanna. Fimmta breytingin er stjórnarskrárvarin réttur hvers einstaklings til að neita að svara spurningum eða á annan hátt veita vitnisburð gegn sjálfum sér.
Vitnið beitti neitunarrétti sínum í kjölfar þess að farsími fannst ekki. Þetta var farsími sem vitnið notaði um kvöldið sem árásin á að hafa átt sér stað. Spurningar höfðu vaknað um hvort maðurinn hafði eytt textaskilaboðum úr símanum.
Kevin Spacey var kærður fyrir kynferðislega líkamsárás í tengslum við atvik sem gerðist í júlí 2016 þegar hann var sakaður um að þreifa á ungum manni á bar í Nantucket. Leikarinn hélt fram sakleysi sínu en gat átt yfir höfði sér allt að 5 ára fangelsi ef hann yrði sakfelldur.
„Skjólstæðingur minn hefur ásamt fjölskyldu sinni sýnt gífurlegt hugrekki undir erfiðum kringumstæðum.“
sagði Mitchell Garabedian, lögfræðingur unga mannsins, í kjölfar niðurfellingarinnar
