Neymar, leikmaður Paris Saint-Germain, er mættur aftur til æfinga hjá Paris Saint-Germain í Frakklandi.

Neymar mætti seinna til æfinga í sumar en franska félagið gaf frá sér yfirlýsingu fyrr í mánuðinum þar sem greint var frá því að hann hefði skrópað.

Brasilíumaðurinn vill komast burt í sumar og ræddi framtíð sína í einkaviðtali við brasilísku sjónvarpsstöðina Band.

Það er hins vegar útlit fyrir að það viðtal verði ekki birt en upptökunni var stolið.

Sjónvarpsstöðin greindi frá þessu í dag en upptakan var geymd í bíl sem var svo stolið í gærmorgun.

Lögreglan í Sao Paulo gaf einnig frá sér yfirlýsingu en bíllinn var í eigu blaðamannsins sem tók viðtalið við Neymar.