108 Matur er nýr veitingarstaður í Fákafeni 9. Staðinn reka matreiðslumennirnir og matargötin Gunnar Davíð Chan og Baldur Hafsteinn Guðbjörnsson, en þá hafði lengi dreymt um að opna góðan matsölustað þar sem hægt væri að fá ljúffengan og heiðarlegan heimilismat á sanngjörnu verði í hádeginu.
„Heimagert“ er alltaf betra
„Við erum báðir menntaðir og reyndir matreiðslumenn og finnst gott að borða góðan mat. Hugmyndin er að vera með heimilismat sem er eldaður af alúð og metnaði. Við gerum því allan mat, meðlæti og sósur á staðnum sjálfir. Við berjum snitselið út sjálfir og pannerum, steikjum fiskibollurnar sem eru gerðar eftir okkar uppskrift og í meðlæti gerum við m.a súrar gúrkur og búum til okkar eigin rauðkál. Hér er ekkert dósameðlæti eða pakkamús,“ segir Baldur.
Matseðillinn á 108 Mat er síbreytilegur og hugmyndin var alltaf sú að elda mat sem þeim félögum þótti báðum gott að borða. „Við viljum leika okkur með matseðilinn þannig að það sé alltaf eitthvað nýtt og spennandi, bæði fyrir kúnnann en líka fyrir okkur. Okkur finnst meðlætið skipta miklu máli líka og höfum við verið að leika okkur þar. Þá höfum við verið að grilla lauk, hvítkál og toppkál, hægelda gulrætur, baka rófur o.s.frv.
Það eru tveir fastir réttir á hádegisseðlinum sem hafa verið þar frá upphafi. Það eru fiskibollur og snitselið. Við reyndum einu sinni að skipta út bollunum en þurftum að setja þær strax aftur á seðilinn útaf eftirspurn. Annars skiptum við reglulega út hinum réttunum. Um daginn vorum við með pönnusteikta löngu í rjómasósu sem var líka mjög vinsæl. Einnig er stutt síðan við vorum með djúpsteiktan kjúkling með asískri sósu, svona „sticky chicken“, sem vakti þvílíka lukku og menn eru enn að spyrja hvenær sá réttur komi aftur.“
Fyrirtækjaþjónusta
108 Matur er einnig með fyrirtækjaþjónustu og sendir þá hádegisverð í fyrirtæki. „Við erum með fyrirtæki á föstum samning þar sem starfsmenn koma á staðinn og borða hjá okkur. Þetta hefur vakið mikla lukku hjá starfsmönnunum enda er góður hádegisverður gulli betri. Ef fyrirtæki hafa áhuga á að kynna sér þetta þá bara endilega hafa samband við okkur.“
Hvað er í matinn hjá þér?
Heitur matur í hádeginu stendur frá 11:30-14:00. Hann samanstendur af 4-5 réttum og er alltaf birtur á Facebook . „Þetta er eins og hálfgert hlaðborð en þó eins og að koma í sunnudagslæri til mömmu. Þú færð kjötið eða fiskinn og kartöflur á disk og færð þér svo sjálf/sjálfur meðlæti og sósu.
Einnig er sérréttamatseðill þar sem hægt er að panta salat, sjávarréttasúpu og kúklingasamloku úr eldhúsinu. Eftir klukkan 14:00 er heiti maturinn tekinn niður og þá er pantað af matseðli sem samanstendur af sömu réttum og voru í hádeginu nema að þá eru þeir eldaðir eftir pöntun. Það gerum við til kl. 18:00 en þá lokar eldhúsið.“ Alla rétti er hægt að fá til þess að borða á staðnum eða til þess að taka með sér heim. 108 Matur býður upp á stimpilkort þegar keypt er heitur matur í hádeginu milli 11:30-14:00 þannig að tíundi hver málsverður er frír. „Um helgar bjóðum við einnig upp á að fá leigðan salinn fyrir veislur. Þá sjáum við séð matinn í veisluna.“
Þetta á að vera gaman
108 Matur opnaði um páskana og hefur gengið ótrúlega vel og hlökkum við til að sjá staðinn vaxa og eignast fullt af fastakúnnum. Það er verið að vinna við að klára heimasíðuna okkar 108matur.is þar sem hægt verður að nálgast allar uplýsingar en á meðan er hægt að nálgast þær á Facebooksíðunni okkar.
Fákafeni 9, 108 Reykjavík.
Sími: 533-3010
Fylgstu með á Facebook.
