Það er útlit fyrir það að Frank Lampard sé að taka við Chelsea en hann hefur fengið leyfi til að ræða við félagið.
Lampard er í guðatölu hjá stuðningsmönnum Chelsea en hann var lengi leikmaður liðsins.
Undanfarið ár hefur Lampard stýrt liði Derby í næst efstu deild og var hársbreidd frá því að koma þeim upp um deild.
Það verður fróðlegt að sjá hvernig Lampard mun stilla upp liði Chelsea en félagið má ekki kaupa leikmenn í sumar.
Mason Mount gæti byrjað á miðjunni undir Lampard en hann var í láni hjá Derby á síðustu leiktíð.
Einnig gæti Lampard notað Fikayo Tomori í miðverði sem spilaði einnig með Derby. Reece James snýr þá líklega aftur til Chelsea eftir góða lánsdvöl hjá Wigan.
Svona gæti lið Chelsea litið út.
