Manchester United á Englandi hefur haft samband við ítalska stórliðið Napoli vegna leikmanns.
Þetta segir Sky Sports í kvöld en leikmaðurinn umtalaði er bakvörðurinn Elseid Hysaj.
Hysaj hefur gefið það út að hann ætli að leita annað í sumar eftir að hafa spilað við góðan orðstír á Ítalíu.
Hysaj er landsliðsmaður Albaníu og var í byrjunarliðinu er liðið mætti Íslandi í undankeppni EM.
Hysaj er 25 ára gamall en hann hóf atvinnumannaferil sinn hjá Empoli og samdi svo við Napoli árið 2015.
