Cesc Fabregas, fyrrum leikmaður Chelsea, hefur skotið föstum skotum á Maurizio Sarri, stjóra félagsins.

Sarri tók við Chelsea síðasta sumar en Fabregas fékk lítið að spila undir hans stjórn og var seldur í janúar.

Spánverjinn segir að Sarri sé mjög þrjóskur maður og er ákveðinn í því að spila á einn hátt, hvort sem það virki eða ekki.

,,Hann er gríðarlega hjátrúarfullur og er mjög þrjóskur þegar kemur að því,“ sagði Fabregas.

,,Hann er stjóri sem er með sínar eigin hugmyndir og hann er ekki mikið fyrir að breyta þeim.“

,,Hann veit hvernig hann vill spila og þekkir sína hugmyndafræði. Hann mun ekki breyta því.“

,,Það skiptir engu máli hvað þú segir við hann eða hvaða ráð þú gefur honum eða hver þín skoðun er. Hann mun aldrei breytast.“