Antonio Conte er á barmi þess að taka við Inter Milan, frá þessu greinir Sky á Ítalíu.
Viðræður hafa átt sér stað síðustu vikur en Conte hefur verið í fríi í heilt ár.
Conte var rekinn frá Chelsea síðasta sumar, hann mætir nú aftur til heimalandsins og tekur við Inter.
Inter vill reyna að keppa við Juventus á næstu árum, félagið horfir til þess að Conte geti komið félaginu þangað.
Luciano Spalletti stýrir Inter í dag, ein umferð er eftir í deildinni. Inter þarf sigur til að klára fjórða sætið, sæti í Meistaradeild Evrópu.
