Það kom heldur betur á óvart í gær þegar miðjumaðurinn Santi Cazorla var valinn í spænska landsliðið.

Cazorla var síðast hluti af landsliðinu árið 2015 en hann hefur verið mikið meiddur síðustu ár. Cazorla yfirgaf Arsenal í fyrra og samdi við Villarreal.

Hann átti þó gott tímabil með Villarreal og þrátt fyrir að vera 34 ára gamall fær hann að taka þátt í verkefninu í undankeppni EM.

,,Þig dreymir alltaf um það að snúa aftur einn daginn en eftir tvö ár af meiðslum þá var erfitt fyrir mig að ímynda mér það gerast,“ sagði Cazorla.

,,Ég er svo ánægður með þetta, ég er enn að átta mig á þessu. Ég hef lesið öll fallegu skilaboðin sem hafa borist.“

,,Mig hefði aldrei getað dreymt um þetta. Ég vil þakka öllum þeim sem hafa staðið með mér í gegnum þessa erfiðu tíma.“