Leeds 2-4 Derby (3-4)
1-0 Stuart Dallas(24′)
1-1 Jack Marriott(45′)
1-2 Mason Mount(46′)
1-3 Harry Wilson(víti, 58′)
2-3 Stuart Dallas(62′)
2-4 Jack Marriott(85′)
Það eru Aston Villa og Derby County sem munu eigast við í úrslitaleiknum um laust sæti í ensku úrvalsdeildinni.
Þetta varð ljóst í kvöld eftir frábæran 4-2 sigur Derby á Leeds á útivelli eftir að hafa tapað fyrri leiknum í undanúrslitum, 1-0.
Derby lenti undir í seinni leiknum í kvöld en Stuart Dallas kom Leeds yfir á 24. mínútu leiksins og útlitið bjart fyrir heimamenn.
Derby sneri þá leiknum sér í vil og skoraði þrjú mörk og var staðan orðin 3-1 eftir 58 mínútur.
Dallas bætti við sínu öðru marki á 62. mínútu áður en Gaetano Berardi fékk svo sitt annað gula spjald á 78. mínútu og Leeds manni færri.
Jack Marriott kláraði svo leikinn endanlega fyrir Derby á 85. mínútu leiksins og sá til þess að liðið þyrfti ekki að fara í framlengingu.
Villa vann sigur á West Brom í vítaspyrnukeppni í gær og mun leika við Derby í úrslitaleiknum um laust sæti í efstu deild.
Þess má geta að 11 gul spjöld fóru á loft í leik kvöldsins en Scott Malone fékk einnig rautt hjá Derby á 91. mínútu leiksins.
