Rúnar Kristinsson, þjálfari KR, var svekktur í kvöld eftir 1-1 jafntefli við Fylki á heimavelli.
KR leiddi leikinn 1-0 þar til á 93. mínútu leiksins er Fylkismönnum tókst að jafna úr hornspyrnu.
,,Ég er alls ekki sáttur og er mjög ósáttur við að þeir hafi jafnað í restina,“ sagði Rúnar við Stöð 2 Sport.
,,Við þurfum að nýta færin betur, við áttum að klára þetta í síðari hálfleik og fengum möguleikana á að setja annað.“
,,Við gerðum það ekki og svo kemur smá pressa þegar lítið er eftir og Fylkir nýtti sér það.“
,,Aðstæðurnar voru erfiðar, það var kalt og mikill vindur og baráttanvar mikil eins og alltaf gegn Fylki.“
,,Þeir eru grjótharðir og við þurfum að vera það líka. Það vantaði aðeins upp á fegurðina.“