Steven Gerrard var mættur á Anfield á þriðjudag er Liverpool mætti Barcelona og vann 4-0 sigur.
Endurkoma Liverpool var mögnuð en liðið tapaði fyrri leiknum 3-0 á Nou Camp í Barcelona.
Gerrard er fyrrum leikmaður Liverpool en hann missti af fjórða marki liðsins sem tryggði farseðilinn í úrslitin.
,,Það var mjög erfitt að hafa stjórn á taugunum í gærkvöldi,“ sagði Gerrard í gær.
,,Ég þurfti að fara áður en við komumst í 4-0. Ég var með sjö ára dóttur minni og notaði þá afsökun að hún væri að fara í skólann daginn eftir.“
,,Þetta snerist samt meira um taugarnar. Aðeins Guð veit hvað leikmennirnir voru að upplifa.“
,,Ég hefði ekki getað höndlað það að sjá Coutinho, Luis Suarez eða Lionel Messi brjóta í mér hjartað.“
,,Ég ákvað því að sigra traffíkina og yfirgefa völlinn áður en eitthvað fór úrskeiðis.“
