Lucas Moura var magnaður fyrir lið Tottenham í kvöld sem mætti Ajax í undanúrslitum Meistaradeildarinnar.
Ajax var 2-0 yfir eftir fyrri hálfleikinn í kvöld og var því að vinna viðureignina samanlagt, 3-0.
Lucas sneri leiknum við í seinni hálfleik og skoraði þrennu til að tryggja Tottenham í úrslitaleikinn.
Þriðja mark Lucas kom á 95. mínútu leiksins og braust út gríðarlegur fögnuður í Hollandi.
Mögnuð stund fyrir enska liðið sem mun mæta Liverpool í úrslitaleiknum í Madríd.