Guðni Bergsson, formaður KSÍ, ræddi þá ákvörðun að ræða yfirmann knattspyrnumála á blaðamannafundi í dag.

Arnar Þór Viðarsson var ráðinn yfirmaður knattspyrnusviðs hjá KSÍ í dag og gerir tveggja ára samning.

Guðni hefur lengi skoðað það að ráða í þessa stöðu og er spenntur fyrir komandi verkefni.

,,Ég held að þetta sé jákvætt skref fyrir okkur í okkar uppbyggingu og okkar fótboltaumhverfi,“ sagði Guðni.

,,Ég held að þetta muni nýtast okkar starfi innan KSÍ mjög vel.“

,,Ég sé þetta sem teymisvinnu með þeim þjálfurum sem hér eru fyrir. Til þess að rýna í hvað við getum best gert innan KSÍ með okkar landslið, uppbyggingum og hæfileikamótum og svo framvegis.“

,,Það er alltaf erfitt að fylgja eftir svona góðum árangri eins og undanfarin ár en það er bara verkefnið.“

,,Markmiðið er að halda áfram að bæta sig og gera jafnvel enn betur og halda áfram að byggja fótboltann upp í landinu og komast á stórmót.“