Hannes Þór Halldórsson, markvörður Vals er ekki eins alvarlega meiddur og rætt hefur verið um. Markvörðurinn meiddist þegar hann var rekinn af velli  þann 18 apríl. Valur tapaði þá gegn Stjörnunni í leiknum um meistara meistaranna, markvörðurinn straujað þá Þorstein Má Ragnarsson og fékk rautt spjald. Í atvikinu meiddist hann svo á öxl, meiðsli sem hafa hrjáð hann áður. Þetta var fyrsti leikur Hannesar með Val.

,,Ég meiddist í þessari heimskulegu tæklingu, ég lenti illa á öxlinni þegar ég var að tækla Steina. Mér er búið að vera illt í öxlinni, ég hef ekki verið að æfa alveg 100 prósent. Ég tók fulla æfingu um daginn og ég hef ekki neinar áhyggjur af þessu,“ sagði Hannes

Hannes gæti því spilað með Val gegn FH í bikarnum á miðvikudag. ,,Það er ekki nema að annað komi í ljós, ég er klár í slaginn.“

Hannes var í banni í fyrstu umferð Pepsi-Max deildarinnar þegar Valur gerði 3-3 jafntefli við Víking. ,,Það var frekar leiðinlegt að vera í stúkunni, ég var spenntur að koma inn í þetta Maður reynir að taka það góða úr þessu, það var gaman að mæta á völlinn og hitta fólk.“

Sögurnar um meiðsli Hannesar voru ýktar, sumir höfðu talað um að hann myndi ekki spila í maí. ,,Þetta eru ekki alveg réttar sögur, ég meiddist í öxlinni en er klár núna.“

Hannes gekk í raðir Vals í apríl frá Qarabag, en koma hans til landsins er hvalreki fyrir íslenskan fótbolta. Eitt stærsta nafnið í íslenska landsliðinu en Hannes gerði fjögurra ára samning við Val.