Fjölnir hefur fengið Rasmus Steenberg Christiansen, að láni frá Val. Þetta er staðfest á vef KSÍ.
Rasmus fótbrotnaði illa síðasta sumar í leik með Val og er að koma sér á flug aftur.
Christiansen er öflugur danskur miðvörður en Fjölnir féll úr Pepsi deildinni síðasta sumar.
Fjölnir ætlar sér aftur upp í Pepsi Max deildina en Ásmundur Arnarsson, var ráðinn þjálfari liðsins í vetur.
Valur fékk Orra Sigurð Ómarsson til félagsins í vetur og því fær Rasmus spiltíma hjá Fjölni.
Rasmus er þrítugur en hann hefur spilað með ÍBV, KR og Val hér á landi, hann gekk í raðir Vals árið 2016.