Vippaði ofan í fyrir fugli á 18. holu
Ólafía Þórunn Kristinsdóttir komst naumlega í gegnum niðurskurðinn á á ISPS Handa-mótinu í Ástralíu sem er hluti af LPGA mótaröðinni. Þetta kemur fram á Golf.is
Ólafía þurfti tvo fugla á síðustu tveimur holunum til þess að komast og tókst henni það. Hún vippaði ofaní fyrir fugli á 18. og lék á 74 höggum, eða einu höggi yfir pari. Samtals er hún á pari vallar en þeir keppendur sem voru á +1 eða hærra skori féllu úr keppni.
Sarah Jane Smith frá Bandaríkjunum er efst á níu undir pari eftir 36 holur.
