David Alaba, bakvörður Bayern Munchen, er stuðningsmaður Arsenal en hann hefur sjálfur greint frá þessu.
Alaba hefur lengi verið einn besti bakvörður heims en hann er 26 ára gamall í dag og á yfir 300 leiki að baki fyrir Bayern.
Hann gæti viljað prófa eitthvað nýtt á ferlinum og kæmi Arsenal svo sannarlega til greina.
,,Ég get ímyndað mér að reyna eitthvað annað en mér líður mjög vel hjá Bayern,“ sagði Alaba.
,,Á hverju ári þá koma upp nýjar áskoranir og pressan er alltaf til staðar. Ég er ánægður í Munchen en gæti viljað prófa eitthvað nýtt.“
,,Spánn eða England. Á Spáni kæmu tvö stóru liðin til greina, mögulega? Real Madrid eða Barcelona.“
,,Já ég var stuðningsmaður Arsenal er ég var yngri. Þegar þú ert stuðningsmaður Arsenal sem krakki þá styður þú liðið allt þitt líf á einhvern hátt.“