Margir drekka eplaedik á morgnanna vegna meintra heilsuáhrifa. En hefur þér einhvern tíma dottið í hug að bæta eplaediki við baðið þitt?
Við skulum ekki hugsa um lyktina sem því fylgir og pæla bara í kostum þess að bæta eplaediki við baðið. En kostirnir eru fimm! Women’s Health Magazine fór yfir kostina.
Eplaedik hjálpar pH gildum húðarinnar. Eplaedik er sýrumyndandi og húðin þín ætti að vera smá sýrumyndandi til að halda raka.
Ef þú ert með þurra húð þá getur eplaedik hjálpað. Þess vegna virkar það svo vel gegn exemi og psóríasis.
Hafðu samt varan á að fara ekki í eplaediksbað ef þú ert með opið sár eða sólbrunnin.
Að nudda eplaediki inn í hársvörðin er mjög sniðugt ef þú ert með flösu. Eplaedikið ræðst á sveppaeiginleika flösunnar.
Ef þú ert með bólur þá getur eplaediksbað verið frábær leið til að hreinsa og róa húðina þína. Eplaedik þurrkar olíukennda húð og hjálpar að vinna gegn bakteríum. Það er því líka frábær meðferð við vörtum.
Þú færð mýkri húð og jafnvel færri litlar rauðar bólur eftir að þú rakar þig.
Eplaedik getur minnkað slæma líkamslykt og svitalykt.
Hvernig fer ég í eplaediksbað?
Það er mælt með því að byrja á því að setja hálfan til einn bolla í heitt bað. Þannig geturðu séð hvernig húðin þín bregst við því og getur þá sett meira, allt að tvo til þrjá bolla, í næsta bað.