Hammarby er að leiða kapphlaupið um að fá Viðar Örn Kjartansson framherja Rostov á láni.

Viðar er úti í kuldanum í Rússlandi og leitar sér að nýju félagi fram að sumri en mörg félög hafa áhuga.

Djurgarden í Svíþjóð hafði áhuga og þangað var talið líklegt að Viðar færi en nú stefnir allt í að hann fari til Hammarby.

Meiðsli í herbúðum Hammarby hafa gert félagið afar áhugasamt en Viðar raðaði inn mörkum fyrir Malmö í Svíþjóð árið 2016.

,,Ég get hvorki staðfest eða neitað þessu,“ sagði Jesper Jansson yfirmaður íþróttamála hjá Hammarby en sænskir miðlar segja að Viðar komi til Hammarby í næstu viku.