Mauricio Pochettino, stjóri Tottenham var dæmdur í tveggja leikja bann í síðustu viku. Ástæðan var hegðun hans eftir tap gegn Burnley á útivelli í ensku úrvalsdeildinni.

Mike Dean, dómari leiksins fékk að heyra það frá Pochettino og það ítrekað en stjórinn lét vel í sér heyra.

Enska knattspyrnusambandið hefur nú birt gögn með dómnum og þar kemur ítarlega fram hvernig Pochettino hagaði sér.

,,Hr. Pochettino hagaði sér ekki eðilega og var ógnandi, hann sagði endalaust ´Þú veist hvað þú ert, þú veist hvað þú ert´. Ég bað hann um að útskýra orð sinn en hann sagði endalaust ´Þú veist hvað þú ert´,“ sagði Mike Dean, í skýrslu sinni.

,,Ég bað hann svo ítrekað að fara burt, hið minnsta tíu sinnum og hann vildi ekki yfirgefa mitt persónulega svæði. Hann var svo með ógnandi bendingar rétt við andlit mitt og sagði ´Þú veist hvað þú ert´.“

,,Hr. Pochettino yfirgaf svo völlinn en þegar ég kom inn í leikmannagöngin þá beið hann þar eftir mér og sagði aftur ´Þú veist hvað þú ert´. Það var að draga hann inn í klefa af öryggisvörðum Burnley.“

Pochettino tók út fyrri leikinn í banninu í tapi gegn Southampton en síðari leikurinn er 31 mars gegn Liverpool.