Real Madrid er úr leik í Meistaradeild Evrópu eftir leik við hollenska stórveldið Ajax í gær.
Seinni leikur liðanna fór fram í gær í Madrid en Real vann fyrri leikinn 2-1 á Amsterdam Arena.
Liðið var því í góðri stöðu fyrir leik gærdagsins eftir að hafa skorað tvö mörk á útivelli.
Ajax hafði þó engan áhuga á að kveðja svo snemma og gerði sér lítið fyrir og vann 4-1 sigur á Santiago Bernabeu. Dusan Tadic, fyrrum leikmaður Southampton, átti stórleik og lagði upp tvö mörk og skoraði eitt í sigrinum.
Stuðningsmenn Real Madrid vilja að Santiago Solari verði rekinn úr starfi sem þjálfari í hvelli, þeir sungu nafn Jose Mourinho eftir leik.
Mourinho er án starfs eftir að hafa verið rekinn frá Manchester United í desember, hann gæti tekið aftur við Real Madrid.