Marouane Fellaini neitar því að hann hafi elt peningana er hann samdi við lið Shandong Luneng í Kína.
Fellaini gekk í raðir liðsins í janúar en hann hafði leikið með Manchester United í nokkur ár.
Belginn segir að það sé áskorunin í Kína sem heilli þrátt fyrir að hann fái 360 þúsund pund á viku hjá félaginu.
,,Það er ekki ég. Ég sé þetta sem áskorun hjá félagi sem er með þetta allt,“ sagði Fellaini.
,,Þið ættuð að sjá aðstöðuna sem við erum með. Ég elska að vera hérna.“
,,Ég fór til Shandong Luneng því þeir höfðu áhuga í mörg ár. Ég var tilbúinn að taka við nýrri áskorun, nýrri menningu og nýju lífi.“
,,Allt í lagi, ég er bara 31 árs en ég skrifaði undir þriggja ára samning. Ef ég væri 34 ára gamall væri það of seint að fara til Kína.“