Í kvöld fara fram seinni undanúrslit Söngvakeppninnar 2019 og að henni lokinni mun vera ljóst hvaða lög munu freista þess að verða fulltrúar Íslands í Júróvisjón 2019.
Nú þegar eru tvö lög komin í úrslitin, Hatrið mun sigra með hljómsveitinni Hatara og Eitt andartak með Heru Björk. Í kvöld mun einnig skýrast hvort að fjögur lög keppi til úrslita eða fimm, en framkvæmdarstjórn keppninnar hefur heimild til að hleypa einu auka lagi inn á sjálft lokakvöldið. Talað hefur verið um að lag sem valið er með slíkum hætti sé svokallað Wild Card en nú hefur frasinn verið íslenskaður og kallast nú Eitt lag enn.
Keppnin verður sýnd í beinni frá Háskólabíó klukkan 19:45.
