Það var ótrúleg dramatík á Riverside Stadium á Englandi í dag er Middlesbrough fékk Leeds í heimsókn.
Bæði lið eru að berjast um að komast upp í ensku úrvalsdeildina en leiknum lauk með 1-1 jafntefli.
Það dugar Leeds til að komast á toppinn en Norwich á leik til góða og gæti tekið sætið aftur.
Leeds var að tapa leiknum þegar 100 mínútur voru komnar á klukkuna en miklu var bætt við.
Það kom upp atvik á varamannabekk Leeds og þurfti að stöðva leikinn en læknar voru kallaðir til.
Lewis Wing kom Middlesbrough yfir á 47. mínútu leiksins og var með forystuna þar til á 101. mínútu.
Kalvin Phillips náði þá að jafna fyrir Leeds og tryggði liðinu mikilvægt stig í ótrúlegum leik.