Middlesbrough hefur staðfest komu John Obi Mikel til félagsins en hann gerir samning út tímabilið.
Miðjumaðurinn frá Nígeríu hefur spilað með Tianjin TEDA frá árinu 2017.
Hann þekkir hins vegar vel til á Englandi en Mikel lék með Chelsea í ellefu ár, frá 2006 til 2017.
Þar vann hann allt sem var í boði, þar á meðal ensku úrvalsdeildina og Meistaradeildina.
Hann vildi koma aftur til Englands til að vera nær fjölskyldu sinni en Obi Mikel er 31 árs gamall.
Hann er landsliðsmaður Nígeríu og var með liðinu í sigri á Íslandi á HM í sumar.