Philippe Coutinho, leikmaður Barcelona á Spáni, er orðaður við endurkomu til Englands þessa dagana.
Coutinho gekk aðeins í raðir Barcelona á síðasta ári en hefur ekki náð sömu hæðum þar og hjá Liverpool.
Veðbankar telja að það séu mestar líkur á að Coutinho muni semja við Manchester United.
United er talið hafa áhuga á að kaupa leikmanninn sem var frábær fyrir Liverpool á sínum tíma.
Liverpool er næst líklegasti áfangastaður Coutinho samkvæmt veðbönkum og þar á eftir koma Paris Saint-Germain og Napoli.
Manchester City, Chelsea og Tottenham eru einnig nefnd en mjög ólíklegt er að hann fari þangað.
Óvíst er þó hvort Barcelona sé tilbúið að losa sig við leikmanninn svo snemma en hann er aðeins 26 ára gamall.