Gylfi Þór Sigurðsson og Alexandra Helga Ívarsdóttir munu ganga í það heilaga næsta sumar en fjallað er um málið í Fréttablaðinu í dag. Það er þó ekki fréttaefnið sem vekur mesta athygli heldur villan sem er í fyrirsögn á forsíðu blaðsins.
,,Gylfi Þór og Alexandra Helga að undirbúa brauðkaup aldarinnar,“ segir á forsíðu Fréttablaðsins í dag en þessi mannlegu mistök hafa sett grínista á veraldarvefnum á flug.
,,Brauð og co að fá samkeppni í brauðleiknum?,“ segir Arnar Sveinn Geirsson um þessu skondnu mistök.
Sagnfræðingurinn, Stefán Pálsson fer sömu leið í gríni sínu. ,,Ókey, eru þau sem sagt að taka yfir þrotabú Kornsins?.“
,,Það er langt síðan ég ætlaði að giftast henni. Ég var bara ekki búinn að ákveða hvernig eða hvar ég myndi bera þetta upp,“ sagði Gylfi í ítarlegu viðtali við DV á dögunum, þegar hann er spurður út í bónorðið, en stóri dagurinn verður á næsta ári. „Það eru sjö ár síðan við kynntumst. Hún er frænka Kolbeins.“ Gylfi á vitanlega við einn okkar besta sóknarmann og samherja sem nýlega steig upp úr erfiðum meiðslum. „Systir Kolbeins og Alexandra eru mjög góðar vinkonur. Það var í gegnum þau sem við kynntumst,“ segir Gylfi og bætir við að eftir heimsmeistarakeppnina í Rússlandi hafi þau ákveðið að fara í frí til Bahamaeyja. Þar leiddi eitt af öðru.
„Það var frábær staður til að fara á skeljarnar,“ segir Gylfi. „Við áttum geggjaðan dag, tvö saman. Ég lét vaða í kvöldmatnum. Ég hef aldrei verið jafn stressaður á ævinni. Við vorum úti allan daginn og komum til baka í kvöldmat sem ég hafði planað. Ég var búinn að fela hringinn og var með hann í rassvasanum. Ég var með ræðu sem ég ætlaði að muna.“ Þegar svo kom að stóru stundinni fraus Gylfi. Hann hafði gleymt hverju orði. „Eftir svona þrjár sekúndur þá var hún örugglega að hugsa hvað væri að mér. Þá skáldaði ég eitthvað nýtt og bjargaði mér,“ segir Gylfi og bætir við um eitt stærsta augnablik lífs síns: „Hún sagði alla vega já!“
Hér að neðan má sjá nokkrar Twitter færslur um málið.
Ó, mér sýndist þetta fyrst vera hundur. pic.twitter.com/pqyRmfIdTE
— Bragi Valdimar (@BragiValdimar) January 8, 2019
Brauðkaup aldarinnar – MYNDIR pic.twitter.com/gf4ekNl7ex
— Atli Fannar (@atlifannar) January 8, 2019
Brauð og co að fá samkeppni í brauðleiknum? #breadgate pic.twitter.com/HueXOC7KbJ
— Arnar Sveinn (@arnarsveinn) January 8, 2019
Ókey, eru þau sem sagt að taka yfir þrotabú Kornsins? pic.twitter.com/W50ZljBhRs
— Stefán Pálsson (@Stebbip) January 8, 2019
Brúðkaup eða brauðkaup…krauttlegt bara finnst mér #lífiðkrakkar pic.twitter.com/Cin8ZtiH5S
— Steingrímur Sævarr Ólafsson (@frettir) January 8, 2019
