Emil Lyng skrifaði í dag undir samning við Val í Pepsi-deild karla en hann er snúinn aftur til landsins.
Emil var áður á mála hjá KA en hann hélt svo út til Skotlands og stoppaði svo stutt í Ungverjalandi.
Emil var spurður út í það hvað heillaði hann við að koma aftur til landsins og var ekki lengi að segja já við Íslandsmeisturunum.
,,Í fyrsta lagi tilboðið frá Val. Ég hugsaði mig ekki of lengi um þegar Valur spurði um mig. Ég þekki stærð félagsins og metnaðinn hérna,“ sagði Emil.
,,Hlutirnir í Ungverjalandi gengu ekki eins og ég vildi. Eftir fjóra eða fimm leiki þá var breytt um þjálfara og nýi þjálfarinn sá mig ekki sem part af liðinu.“
,,Eftir nokkra mánuði þá fattaði ég að ég ætti ekki framtíð þar og rifti samningnum mínum í desember og leitaði að nýju tækifæri.“
,,Fyrsta símtalið frá Val var í desember og ég veit ekki af hverju það fór ekki lengra. Svo byrjuðum við að semja og nú erum við hér.“
,,Ég veit hvernig félag Valur er og hvað þeir spila fyrir. Ég er spenntur fyrir því að vera kominn hingað.“
