Erna Kristín, eða Erna hjá Ernulandi eins og hún er vanalega kölluð er góðhjörtuð baráttukona sem hikar ekki við að berjast fyrir því sem hún telur rétt. Erna hefur staðið að ýmsum söfnunum fyrir bágstödd börn og hefur hún meðal annars rakað af sér hárið fyrir eina söfnunina sem hún stóð fyrir. Nýlega gaf Erna út bókina Fullkomlega ófullkomin þar sem hún, ásamt fleiri konum opna sig um baráttu sína við sjálfsímyndina og hvetja fólk til þess að elska sjálft sig nákvæmlega eins og það er. Erna segir hefðirnar í kringum jólin valda henni stressi og vill hún fá að fljóta með straumnum í hvert skipti:

Borðar þú skötu á þorláksmessu?

Nei og það mun ég sko aldrei gera haha!

Hvað verður í matinn á aðfangadag?

Það er góð spurning, við eigum mjög erfitt með að ákveða okkur!!

Hvað finnst þér að megi alls ekki sleppa á jólunum?

Hmmm það er trúlega ekkert, svona hefðir stressa mig. Bara gó with the flow hverju sinni og muna um hvað jólin snúast: Kærleika, ást og fæðingu Jesúbarnsins.

Hver er uppáhalds jólahefðin þín?

Messa í Selfosskirkju, ekkert hátíðlegra.

Eftirminnilegustu jólin?

Fyrstu jólin okkar litlu fjölskyldunnar saman, jólin 2014 þegar Leon Bassi var nýfæddur. Tilfinning sem èg mun aldrei gleyma.

Hvað er uppáhalds jólalagið þitt?

Vindur, dansaðu vindur með Eyvör.

Hefur þú fengið kartöflu í skóinn?

Yeb!! Man að mér var ekki skemmt! Hahha

Hvort finnst þér aðfangadagur eða gamlárskvöld skemmtilegri?

Aðfangadagur vinnur þessa keppni.

Ætlar þú að strengja áramótaheit?

Já…..halda áfram að iðka jákvæða líkamsímynd, elska sjálfa mig og líkama minn og reyna ferðast meira með fólkinu mínu.