Aron Einar Gunnarsson spilaði með liði Cardiff í dag sem mætti Watford í ensku úrvalsdeildinni.
Aron er eins og flestir vita fastamaður í liði Cardiff og hefur staðið sig vel undanfarið eftir að hafa jafnað sig af meiðslum.
Cardiff þurfti þó að sætta sig við tap í dag en heimamenn í Watford höfðu betur með þremur mörkum gegn tveimur.
Miðað við einkunnagjöf Wales Online þá átti Aron ekki góðan leik á miðjunni en hann var tekinn af velli í síðari hálfleik.
,,Þetta var mögulega hans versti leikur síðan hann sneri aftur í liðið,“ skrifar blaðamaðurinn Dominic Booth.
Cardiff hefur þó verið á uppleið eftir endurkomu Arons og situr í 16. sæti deildarinnar, fjórum stigum frá fallsæti.
Aron fær fimm í einkunn fyrir frammistöðuna en Cardiff skoraði bæði mörk sín eftir að hann yfirgaf völlinn.
