Paul Pogba, leikmaður Manchester United, mun reyna að komast til stórliðs Real Madrid í sumar.
Þetta segir Andrei Kanchelskis, fyrrum leikmaður United en hann er viss um að Pogba verði ekki mikið lengur á Old Trafford.
Frakkinn kom til United frá Juventus árið 2016 en hefur ekki þótt sýna sínar bestu hliðar.
,,Ég held að Paul Pogba muni reyna að komast til Real Madrid í sumar,“ sagði Kanchelskis.
,,Ég held að hans leikstíll henti ekki ensku úrvalsdeildinni og við fáum að sjá hans snilli á Ítalíu eða á Spáni.“
,,Hann hentar kannski ekki Barcelona en er fullkominn fyrir Real Madrid. Hann gæti tjáð sig frjálslega á vellinum.“